ايوة انا تانى شيفك يلا مدايق وشيفك يلا بتقوى عدلات عليه
هو انا هلقيها منكم ولا من المدرس اللى طحنته منه لله جسمى متكسر
اكملكم بقه الحكايه انا اخدت مريم ورحنا المدرسه ورحت ادور على فصل جميل اسبها فيه لقيت المدرس معلق بنت و واد من رجليهم فى السقف بينى وبنكم انا المره دى خوفت على نفسى مش على مريم
ومشيت ادور على فصل تانى
وانا ماشى ندالى ضميرى بصوت عالى وقلى انت يابنى ادم فين الرجوله فين الشهامه ازى تسيب المدرس يعذب الاطفال كده
دبصراحه ضميرى عمل شغل نفخت نفسى ورحت للمدرس ودخلت عليه نافخ نفسى وقولتله ازى يابنى ادم تعامل الاطفال كده
هما الجملتين دول اللى لحقت اقولهم لانه بعد كده نزل الاولاد وعلقنى انا مكنهم منه لله فضحنى قدام بنتى
بس ربنا ستر البنت افتكرت اننا بنلعب لعبه التعليق
وفضلت ادور على حل وفجاه لقيته قولتله انت متعرفش انا مين يابنى ادم انا مفتش وزاره التربيه والتعليم واستخبيت احسن يضرب ولا حاجه لقيته نزلنا وقلى اللى ميعرفك يجهلك يااستاذ ......... قولتله محروس يابنى محروس
قلى انا اسف جدا الاولاد جننونى مش ردين ياخدو دروس خوصوصيه عندى يرضيك كده يااستاذ محبوس بصتله بصه عنترة وقولتله محروس يعم محروس
قولتله من حقهم يرفضو الدروس الخوصوصيه ايه احنا فى بلد ديمقراطيه يعم انت
انا هوديك فى دهيه انا هخرب بيتك انت مثال للمدرس الفاشل المدرس اللى معندوش كرامه فين ايام زمان ومدرسين زمان اللى لما كانو يشوفونا كانو يجرو مننا اصلنا كنا بنحدفهم باالطوب ايام كان فيها التعليم تعليم
اظاهر ابن اللزينه شك فيه علشان لقانى لابس الهدوم اللى على الحبل بيجامه مقطعه انما ايه فله
قلى ممكن اشوف البطاقه بتعتك قولتله ليه انت بتخونى قلى معلش ممكن اشوفها
قولتله طبعا هو انا يهمنى خد وفى لحظه وحده خطفت مريم وجريت نطيت من على السور كان هيمسكنى منه لله قطعلى البجامه
الإثنين 16 مارس 2009 - 22:46
