ممكن نسرق
ممكن ننهب
ممكن نقتل
انا مش عارف اعمل ايه
قولى يا بيه
لجل ااكل بس ولادى اعمل ايه
متقولى يا بيه
البلديه خربت بيتى
كل محوش واعمر بيتى
يخرب بيتى
عارف ليه
جبت شويه فول استرزق
قبل ام اغرق
واختارت مكان حته مزنق
قمت يا سيدى وقفت انا فيه
جبت العيش
وجبت الفول
فجاه ظهرلى واحد مسئول
قلى ياواد واقف هنا ليه
قلت ببيع لمواخذه يا بيه
سياتك مين
قال بترد عليا كمان
وهب وسب لامى الدين
قولت ارد العين بالعين
راحت انا باصص حته بصه
راح متدينى قلم واتوصه
ينهار اسود
انت بتضرب
قالى كمان بترد عليا
راحت القوه شيله القدره ورميها فوق شوفتو يناس كدا قله زوق
وهات ياخناق وهات ياعراق
شقلب اضرب ارمى ارزع اخبط
حاسس انى فى يوم الحشر
ينهار ابيض
كلكو بيضرب
وانا مش عارف اعمل ايه
خدو قوت يومى اكل عيالى
اتبهدلت يا ناس وانا غالى
نفسى عزيزه
ومش عاوز اسرق زى مكنت زمان ف الجيزه
كنت حرامى وايدى نضيفه
كان القرش بايدى بيجرى
زى القطر ينزل وادى يطلع كوبرى
قولت يا واد اعمل مشروع
وابعد عن دوه الموضوع
اصلو حرام وحرام مايدومش
شفتو ايه اخر المشروع
البلديه خربت بيتى
عوزنى اسرق احط فى جيبى
عوزنى انهب زى مكنت
هو دا عدل الله ياخونا
انتو اكيد ناس مش منا
انتو بعيد عن قلب الحق
خايف منها كلمه لا
عاوز اعيش وواقولها بقوه
كلمه لالالا
كلمه حق
الأربعاء 6 مايو 2009 - 16:38