سر للكبار فقط

انا بقول السلام عليكم انا بقي عندي سر خطير جايز تكملة لأسراري تعرفوا الحب بين بنت وولد وينتهي بجراح هو دا السر انا فجأة كنت بحب بنت كنت فاكرها بتحبني بجد طلع وهم وعشته وكنت فاكرها هاتصبح حلال بس طلع دا مستحيل عارفين ليه لان ما كنتش وحدي في بالها ولا فرقت معاها كان بينا حب مكنتش اعرف انه هايتحول لسراب عارفين حب التملك اه هو ده عايزاه بجد كانت ايام جميلة عارفين لما يكون الواحد بيحب بيتأثر بس بكلمة من اللي بيحبها وهي كمان بجد احساس جميل ليك او ليكي لو كنت بتحبي بجد عارفين انا كنت خلاص وما بين يوم وليلة حست ان مش انا الشخص اللي بتتمناه بجد انا مش عارف انساها بس هي قدرت تنساني لو غبت عنها ولا تسأل عني ولو سألت عليها ما تجاوبش بجد الحب ده عذاب ما يعرفهوش غير من حس بجراحه كان لازم اقولها شوفي طريقك بس كنت فاكر ان علي بالها يا انا قولت احكيلكم مأساتي قبل ما اتجنن من تصرفاتها اللي خلتني قولت انا كنت مالي ما كنت في حالي ولا حد شاغل بالي ولا حد دخل قلبي ولا فؤادي ولا كان حد جرح كبريائي

الحب علشان يكتمل لازم يكون متبادل حب من الطرفين

انت ممكن تكون اتظلمت انك حبيت حد محبكش بس برده ممكن يكون هو كمان مظلوم لانه بيحب انسان تانى

الحب لازم يكون متبادل

انا حاسس بيك لان اللى حصلك حصلى فى وقت من الاوقات ربنا معاك وتقدر تنسى

السلام عليكم
انا طبعا مقدرة مشاعرك النبيله وربنا يعينك بس انا هجبلك الخلاصة ويارب افيدك بجد

معادلات الحب مختلفة عن المعادلات العادية ..
فمن تحبه بسهولة صعب أن تتخلى عنه و تنساه بسهولة
أحببت سنة فلن تنسى إلا بعد خمسة سنوات بالجهاد و المجاهدة
و ربما يعود الحب القديم وآلامه و ذكرياته في لحظة ...

لذا يحتاج الشخص إلى همة و إرادة و محاولات جادة و إجتهاد و عدم الإستسلام لما يقال و عرف عن الحب
من أنه لا يمكن التخلص منه و أنا أقول لكم بأنه يمكنكم التخلص منه.

هنا أحب أن أقدم بعض الطرق للتخلص من الحب:

- الرجوع إلى الله :

هو من أقوى و أهم الوسائل التي تخلصك من ذلك الحب الذي أشقاك ولا يعني هذا بأن كل العاشقين بعيدين عن الله لكن ما أقصده هو أن يقبلوا على الطاعات أكثر مثل السنن والذكر و الاستغفار
2- عدم إسترجاع الذكريات القديمة مهما حصل

3- عدم لوم نفسك او لوم واقعك

4-حاول أن تغير نمط حياتك أشغل نفسك بأعمال إضافيه تشغل معظم أوقاتك


أهم شيء هي العزيمة و الصبر و التحدي حياتك يجب أن تكون ملكا لك لا لشخص
بل لا بد أن تكون حياتك لله عز وجل لا لمخلوق بل لخالق الأرض والسماوات ...

واسفة على الاطاله عليك