حسناء القطار (الجزء الثانى )

¯¨'*·~-.¸¸,.-~*' حسناء القطار ¯¨'*·~-.¸¸,.-~*

الحلقة الثانيه


أكملت :

- بقيت سنة فاقدة للذاكرة ..

مش فاكرة أى حاجة ..

و لا أى حد يعرفنى ..

كانت أيام ربنا العالم بيها ..

و مع ذلك كنت صابرة ..

و كل ما تعدى الليالى أقول أنها عابرة ..


كانت تلك الفتاة على درجة عالية من لباقة الحديث ..

حتى أكملت :

- لحد ما جه الوقت و رجعت لى ذاكرتى ..

هنا تنهدت و قلت :- الحمد لله .. عدينا الجزء المحزن ..

أكملت : - استنى ..

أنا استعدت الذاكرة ..

و افتكرت كل حاجة ..

و حبيت أعود لأهلى ..

و هنا كانت الصدمة ..

فوجئت أن الشاب اللى كنت بحبه اتجوز أختى ...

- وقتها أوحيت لأهلى أنى مش فاكرة أى شئ ..

بس حسيت بصدمته لما شافنى ..

و كانت نظراته لى نظرات غريبة ..

فخفت أن أختى تحس .. و تفتكرنى بخونها ..

قلت :- آه و بعدين ؟.



أكملت :- أصبحت أمام اختيارين ..

أنى أكون طول عمرى فاقدة للذاكرة

و أحافظ على حياة أختى ..

أو أنى أهرب و امتلك ذاكرتى ..

و هنا فضلت الهروب ..

ثم صمتت مجددا ..