ميه ميه على الناس الكويسه
واشطه وفل على الناس الزوق الفل
الراجل غيرلى لغتى منه لله تعالى نكمل حكيتنا احنا وقفنا لحد فين اه لحد اما
روحت لواحد تانى باين عليه الكرم والهدايه والبركه سالته عمو هى اللحمه بكام بصلى وقللى ب 25 قرش يابنى بصيت لعدلات بصه منتصر وقولتلها روحى بقه يافلحه رجعى الطمطمايه دى هى والخيارايه وهاتى الفلوس علشان نجيب لحمه قلتلى انا اتكسف ارجعها قولتلها ليه بنت بارم ديله انا جى معاك اما اهزق الراجل النصاب ده ولما رحتله لقيت جبل هرم هربان من اهرمات الجيزة اكتشفت ان الاهرمات اربعه كان منهم الراجل ده
بصتله بصه واحد غلبان مش قده وقلتله ممكن بعد اذن سعتك ياسعاده البيه الباشا ده لو مفهاش قلت زوق منى ممكن ترجع لنا الطمطمايه والخياريه دوله اللى اشترتهم منك مراتى الهبله اللى معندهاش نظر دى شريه من هرم
بصلى بغضب رعبنى وقلى بصوت صفارة انزار امشى اللعب بعيد يله احسن اولع فيك انت ومراتك المجنونه دى
بصتله بصه عنتر ابن شداد وقلتله عمو مينفعش تولع فيها هى بس
ضربنى كف منه لله سورنى
مشيت انا واللى متتسمى والدم بيغلى فى نفوخى منه وقررت انتقم
قربت منه بعد مااستحميت ونضفت نفسى ولبست هدوم انسان محترم وقربت منه وفجاه نديت اجرى ياناس مرافق
مباحث اشغال الطريق وفاجاه الدنيا اتقلبت ناس بتجرى على ناس وناس بترمى حجات على ناس مفوقتش غير وانا تحت عربيه كاروة قومت جريت خطفت ال25 جنيه من الهرم ده وجريت انا وعدوله اللى كانت مستنيانى عند اول الشارع وروحنا لبتاع اللحمه اللى قلنا ب 25 جنيه
ولينا بكرة حكايه وتكمله اه يانى اه يانى منك لله يالى فى بالى
الإثنين 23 فبراير 2009 - 21:31
