اجمل مسا على اجمل ناس كويسه
ايوة انا لسه عايش عمر الشقى بقى منها لله عدلات كانت عوزة تموتنى علشان تورث شبشب جدو غلبان باشا
المهم اكملكم بقه احنا وقفنا لحد اما قلتلى انا كنت بهزر معاك والمفتاح كان معايه وانا اللى ندهت للبوليس وقولت اعملك مفاجاه
واغمى عليه من الصدمه منها لله مش رحمانى حتى بعد مااخدتنى لحم ورمتنى عضم
****************************************
وتانى يوم كان اليوم اللى انا مستنيه من زمان النهارده مطش الاهلى والزمالك
وطبعا انا اهلاوى صميم وعدلات زملكويه متعصبه وقولت اكيد الاهلى هيلب الزمالك 6او 8 على الاقل وبكده
هاغيظ عدلات واخد حقى منها من حركه امبارح بتاعت المفتاح منها لله المخبرين كانو بيضربو بزمه
وقعدنا نتفرج على المطش فى اول ربع ساعه الاهلى جاب جون طبعا قومت فرحان ومظقطط
اخيرا شوفت فى عدلات يوم وشها جاب الوان اصلنا كنا مترهنين على مصاصه
وبعد نصف ساعه الاهلى برده جاب جون والاهلى عمهم وحابس دمهم
وطلعت لسانى لعدلات ويرتنى مطلعته كانت مستنيه اللحظه دى وقامت ربطانى من لسانى وقلتلى اسكت بقه العبره
باالنهايه وطبعا انا مسكتش قومت وقعدت على الارض راجل يامحروس
بس فى الشوط التانى حصلت الكارثه الزمالك فى اول ربع ساعه جاب جونين واصبحت النتيجه2/2
وبقيت مرعوب معقول انا هجيب مصاصه لعدلات طيب منين دانا انضف من الصينى بعد غسيله
وبقه فاضل على نهايه المباره 1 دقايق وفاجاه الزمالك هجم وخلاص مبينه وبين الحضرى هبابه جتنى فكرة عبقريه قومت جريت وشديت
الفيشه من غير عدلات متاخد بلها وقولت ايه الحظ ده ياربى بقه ده وقته برده النور يقطع
وقومت جبت حسين واحمد ومحمد وحسام قرايب توفيق صحبى واتفقت معاهم انهم يخطفو عدلات
قولت فرصه والنور قاطع يريحونى منها ومن دوشتها وفعلا العيال جم وفتحتلهم الباب ودخلت على اوضتى وسبتهم يتعملو معاها
بس تانى يوم صحيت لقيت حسين مرمى على الارض ورجله مكسورة واحمد ومحمد شعرهم محلوق اقرع
اما حسام بقه ده حكايته حكايه الله يرحمه عدلات كانت قعده عليه الواد فطس ياعينى
اما الحق اهرب انا كمان احسن تفطسنى
ربنا على المفترى
السبت 7 مارس 2009 - 21:10
